寄陳冬

寄陳冬

暨南舊夢去如煙
一度回眸一悵然
彩翅羨君枝上鳳
焦桐憐我爨餘弦
竟同道韞前身化
料必陳冬積世捐
偶憶厮磨經籍處
紫荊開遍又三年

註：
﹙1﹚焦桐憐我爨餘弦：焦桐，謂焚焦了的桐木。事本晉干寶《搜神記》卷十三：“吴人有燒桐以爨者，邕﹙蔡邕﹚聞火烈聲，曰：‘此良材也。’ 因請之，削以為琴，果有美音。”後以“焦桐” 、“爨桐”等指遭毁棄之材。

﹙2﹚道韞：指東晉才女謝道韞，是宰相謝安的姪女。《世說新語》中記載：謝道蘊十四歲時，有一天，時值大雪，謝安與眾兒女子侄相聚，他指著漫天飛舞的雪花，問道：“飄飄大雪何所似？”謝安的侄子謝朗答：“撒鹽空中差可擬。”道韞說：“未若柳絮因風起。”此兩句相比可看出謝道蘊的文學、才氣果然過人。謝安大大誇獎她，認為她比喻精妙、文思敏慧。這一詠雪名句，盛為人所傳誦，她的才女之名，也由此事而得，後世也就以“詠絮才”來稱讚有文才的女子。

暨南大學的日子一去無蹤，回想當年的情景總是悵然若失。很羨慕妳飛上高枝唸博士文憑去了；可憐我卻廢棄無用，沒能繼續學業。妳是道韞前世的化身，妳的才氣想來應是積累了幾輩子的施捨換回來的。回憶起離別了那所我們在一起唸書的暨南大學後，校園裏的紫荊應是燦爛地開過三次了。
4.9.2008


陳冬收到我的詩後，回了一封信給我，錄如下：

----------------------------------------------------------------------

my dearest:

好感動啊~~~~

我琴晚好夜check mails，睇度你嘅詩…… 今日上午睇書嘅時候，就諗返起以前好多嘢。原來我地都咁幸福過。當然，你就成日都咁幸福噶啦！ 兒孫滿堂，摯愛不離不棄，子女個個有出息…… 夫復何求？

我依家日日都去學校嘅圖書館，有時帶埋電腦去寫論文。哎，你話我有才？ 錯覺姐。我發現寫論文，寫嚟寫去就果幾個詞。咩叫詞窮咧？睇怕就我呢種啦！

真喺好懷念暨大果三年！雖然，系果三年裡面，我要補本，要重修，要面對好多困難；但有你同薇薇啊嘛！坐埋一起，咁多話題嘅！真喺好有默契！ 成日去食餃子啦，去南園食叉燒啦…… 校園生活，真喺一種好奇怪嘅生活方式；當你習慣咗，就再都唔可以忘懷；即使我未曾離開過校園，都知道佢嘅可貴。

不過，無密友同美食嘅校園生活，取而代之，喺論文嘅壓力；虛偽嘅導師；無法交心嘅同門……，真喺一言難盡。

越來越清楚，中國學術嘅虛偽同黑暗。持慶啊持慶！如果你同antie可以同我一起面對，我諗呢一切會美好好多好多。…… 或者你已經經歷好多事情，尤其經商嘅過程，面對巨大而黑暗嘅勢力，人生嘅低谷，兩難嘅選擇，痛心嘅離別……，你已經波瀾不驚，笑對江湖。 但喺我卻充滿憤怒和不平，我就好似剛剛被推進一個萬花筒裡面，各種各樣可笑可嬲嘅事情人物突然一一出現，令我心生好多疑問同憤慨。

上海嘅一切，令我知道，喺廣州結下嘅友誼，喺世間最最珍貴，僅次於父母恩情嘅感情。唔單止你、薇薇同我嘅，仲有我最好嘅朋友們。

所以，我覺得自己應該滿足。有情若此。有人若此。

陳冬